Anëtari i Kryesisë së Aleancës Kosova e Re (AKR), Islam Pacolli ka uruar Sami Musën për zgjedhje në pozitën e deputetit në Parlamentin e Hamburgut.

Pacolli përmes një postimi në facebook ka shkruar se kjo është arritje historike, shkruan arbresh.info.

Ai ka shtuar gjithashtu se beson se Musa do të jetë zë i fuqishëm i të gjithë atyre që e mbështetën dhe e votuan dhe jo vetëm.

“LAJM I MIRË NGA GJERMANIA
Si anëtar i Partisë Social Demokrate Gjermane z. Sami Musa është zgjedhur deputet në Parlamentin e Hamburgut. Kjo e bënë z. Musa të parin shqiptar , i cili zgjedhet deputet në një prej landëve me të mëdha e më të rëndësishme Gjermane.
E uroj z. Musa për këtë arritje historike i cili po përçon mesazhin se diaspora shqiptare gjithandej është e suksesshme jo vetëm në fushën e biznesit dhe kulturës por edhe atë të politikës e jetës publike në përgjithësi.Si përkrahës i fuqishëm i tij i falenderoj të gjithë ata që votuan për Samiun, për të cilin dua të besoj se si deputet do të jetë zë i fuqishëm i të gjithë atyre që e mbështetën dhe e votuan dhe jo vetëm!”, ka shkruar ai./arbresh.info/